အထက်မြန်မာငရုတ်သီးနှင့် U.S. Lattice အာလူးကြော်

Preparation

ငရုတ်သီးနှင့် U.S. Lattice Fries ကြော်နည်း

• အနေတော်အိုးတစ်လုံးထဲတွင် ဆီ ၅၀ မီလီလီတာကို အပူပေးပါ။ ပြီးလျှင် ကြက်သွန်ဖြူကို ရွှေရောင်ရသည်အထိကြော်ပါ။ ပျဉ်းတော်သိမ်ရွက်ကိုထည့်၍ ဆားနှင့်သကြားတို့ကိုထည့်ပြီး အရသာယူပါ။ တစ်ခုစီကြော်စဥ် မီးမပြင်းပါစေနှင့်။ နောက်ဆုံးငရုတ်သီးထည့်၍ အရသာထည့်ပြီး မီးကိုပိတ်၍ အအေးခံထားပါ။ ရောမွှေ၍ အအေးခံထားပါ။ မတူးပါစေနဲ့။
• S. Frozen Lattice Fries ကို ဆီပူတွင်ကြော်ပါ။ ရွှေအိုရောင်ရလာလျှင် ဆီစစ်၍ ပထမကြော်ထားသော ငရုတ်သီးနှင့်ရောမွှေပြီး အရသာထည့်ပါ။ အားလုံးပြီးလျှင် ကြက်သွန်မြိတ်ဖြင့်အလှဆင်ပြီး ဆီထမင်းနှင့်တွဲဖက်ကာ သက်သတ်လွတ်ဟင်းပွဲတစ်ပွဲစားသုံးနိုင်ပါသည်။

ဆီထမင်းချက်နည်း

• ကောက်ညှင်းဆန်ကို ရေပြောင်အောင်ဆေးပါ။ ပြီးလျှင် စကာနှင့်စစ်ထားပါ။ ပြီးလျှင်ပါဝင်ပစ္စည်းများကို အသင့်ပြင်ထားပါ။
• အားလုံးပြင်ဆင်ပြီးလျှင် Non-stick အိုးထဲတွင် ဆီ ၃၀ မီလီလီတာထည့်ပြီး ပါဝင်ပစ္စည်းများကို ဆီသတ်ပါ။ ကြက်သွန်နှင့်ချင်းများရွှေအိုရောင်ရလာလျှင် နနွင်းမှုန့်ကိုထည့်ပါ။ ပြီးလျှင်ကောက်ညှင်းဆန်ကိုထည့်ပြီး ဆန်လုံးလာသည်အထိ ကြော်ပါ။ အချိုးအစားအတိုင်းရေကို ထည့်၍ မီးအေးအေးဖြင့် ကောက်ညှင်းကျက်သည်အထိ တည်ပါ။

မြေပဲနှင့်ငါးနီတူခြောက်တို့ကိုကြော်၍ အရသာထည့်ပြီး အအေးခံထားပါ။ ပြီးလျှင်အသင့်ချက်ထားသော ဆီထမင်းနှင့်တွဲဖက်၍ စားနိုင်ပါသည်။