Ingredients
ပါဝင်ပစ္စည်းများ
- U.S. Frozen Wedges - ၁၅၀ ဂရမ်
- အမဲမိုးခိုသား - ၂၀၀ ဂရမ်
- ထမင်း - ၂၅၀ ဂရမ်
- ကြက်သွန်နီ (လှီးထားပါ) - ၁၅၀ ဂရမ်
- ကြက်သွန်ဖြူ (လှီးထားပါ) - ၃၀ ဂရမ်
- ခရမ်းချဉ်သီး - ၁၀၀ ဂရမ်
- ပျဉ်းတော်သိမ်ရွက် - ၅ ဂရမ်
- ငရုတ်သီးမှုန့် - ၁၅ ဂရမ်
- နနွင်းမှုန့် - ၁၀ ဂရမ်
- ဟင်းသီးဟင်းရွက်ဆီ - ၅၀၀ မီလီလီတာ
- ချင်း (လှီးထားပါ) - ၂၅ ဂရမ်
- ဆား - ၅ ဂရမ်
- ကြက်သားမှုန့် - ၅ ဂရမ်
- ငါးငံပြာရည် - ၁၀ မီလီလီတာ
- ကြက်သွန်မြိတ် - ၃၀ ဂရမ်
- ငရုတ်သီးအစိမ်း - ၁ တောင့်
- ငရုတ်သီးအနီ - ၁ တောင့်
Preparation
ပြုလုပ်နည်းအဆင့်ဆင့်
- ပါဝင်ပစ္စည်းများကို အဆင်သင့်ပြင်ဆင်ထားပါ။
- အမဲသားကို အနေတော်တုံးပြီး ဆား၊ ကြက်သားမှုန့်၊ နနွင်းမှုန့် အနည်းငယ်တို့ဖြင့် အရသာနယ်ပြီး ၁၅ မိနစ်ခန့်နယ်ထားပါ။ မှတ်ချက်။ ။ ကြက်သားမှုန့်မကြိုက်လျှင် မထည့်လည်းရပါသည်။
- ချက်မည့်အိုးထဲတွင် ဆီကိုအပူပေးပါ။ ဆီပူလာလျှင် ပါဝင်ပစ္စည်းများဖြစ်သော ကြက်သွန်နီ၊ ချင်း၊ ကြက်သွန်ဖြူတို့ကိုထည့်ပြီး ဆီသပ်ပါ။ ကြက်သွန်နွမ်းသွားလျှင် ငရုတ်သီးမှုန့်နှင့်နနွင်းမှုန့်တို့ကိုထည့်ပြီး မွှေပါ။ ပြီးလျှင် ခရမ်းချဉ်သီးထည့်ပြီး ၅ မိနစ်ခန့် ဆီသပ်ပါ။
- အမဲသားကိုထည့်လုံးပါ။ ၅ မိနစ်ခန့်လုံးပြီးလျှင် မီးအေးအေးဖြင့် ရေအနည်းငယ်ထည့်ပါ။ အဖုံးအုပ်ပြီး မိနစ် ၃၀ ခန့်ချက်ထားပါ။ မှတ်ချက်။ ။ အမဲသားပိုနူးလိုလျှင် မိနစ် ၃၀ ထက်ပိုပြီးချက်နိုင်ပါသည်။
- အသင့်ကြော်ထားသော U.S. Wedges၊ ပျဉ်းတော်သိမ်ရွက်နှင့် ကြက်သွန်မြိတ်တို့ကို ကြော်ရန် အိုးတစ်လုံးတွင် ဆီထည့်ပြီး အပူပေးပါ။ ဆီအပူချိန် ၁၈၀°C ရောက်လျှင် အာလူး၊ ပျဉ်းတော်သိမ်ရွက် နှင့် ကြက်သွန်မြိတ်တို့ကို ဆီအိုးထဲတွင်ထည့်ပြီး တစ်ခုဆီကို ရွှေရောင်ရသည်အထိ ကြော်ပြီးဆီစစ်ထားပါ။
- အမဲသားအိုးမိနစ် ၃၀ ပြည့်လျှင် အရသာနှင့်ကြော်ထားသော၊ အသင့်ပြင်ဆင်ထားထည့်အာလူးကို ၅ မိနစ်ခန့်ထည့်ပါ။ ဆီပြန်ပြီး ဟင်းအနှစ်ရလာပါက စားသုံးရန်အသင့်ဖြစ်ပါပြီ။
- စားသုံးရန်အတွက် ပုံပါအတိုင်းပြင်ဆင်ပြီး ထမင်းနှင့်ဟင်းကို တွဲဖက်ကာ သုံးဆောင်နိုင်ပါသည်။
