အာလူးများတွင်ပါဝင်သော Lectins

အာလူးများတွင်ပါဝင်သော Lectins များနှင့် ပက်သက်၍ စိုးရိမ်ရန်လိုအပ်ပါသလား။

Lenctins များသည် အာလူးများအပါအဝင် အပင်မှရသောအစားအစာအများစုတွင် သဘာဝအတိုင်းပါဝင်သော ပရိုတင်းတစ်မျိုးဖြစ်သည်။ အစိမ်းစားသုံးလျှင် သို့မဟုတ် ပမာဏများများစားသုံးလျှင် အဆိပ်သင့်နိုင်သည်ဟုယူဆထားကြသော်လည်း Lectins များကို ချက်ပြုတ်ခြင်းနှင့်အဆင့်ဆင့်စီမံပြုလုပ်ခြင်းဖြင့် အလွယ်တကူဖျက်ဆီးနိုင်သည်။ အာလူးများကို အစိမ်းစားသုံးခြင်းသည် လွန်စွာရှားပါးသည်။ ထို့ကြောင့် Lectins ပါဝင်သည့် ချက်ပြုတ်ထားသော အစားအစာများ (အာလူးများအပါအဝင်) ကို ပုံမှန်အတိုင်းအတာ သာ စားသုံးခြင်းသည် လူအများစုအတွက် ကျန်းမာရေးထိခိုက်နိုင်ချေ အလွန်နည်းပါသည် သို့မဟုတ် လုံးဝမထိခိုက်စေနိုင်ပါ။

အကြောင်းရင်းဇာတ်မြစ်

Lectins သည် ၂၀၁၇ခုနှစ်တွင် ထုတ်လုပ်သော New Yorkတွင် အရောင်းရဆုံးစာအုပ် The Plant Paradox ကြောင့် နာမည်ဆိုးဖြင့်ကျော်ကြားလာသည်။ Lectins များသည် ပရိုတင်းအနွယ်ဝင်ဖြစ်ပြီး ပဲတောင့်ရှည်၊ အစေ့အဆန်များနှင့် ခရမ်းချဉ်သီးနှင့်အာလူးများပါဝင်သော Nightshadeဟင်းသီးဟင်းရွက်များတွင် အများအပြားတွေ့ရပြီး လူများ၏ အူလမ်းကြောင်းကို ဒုက္ခပေးနိုင်သည်ဟု စာရေးသူ နှလုံးခွဲစိတ်ဆရာဝန် ဒေါက်တာ Steven Grundy က ဆိုထားသည်။ Lectins ပါသောအစားအစာများကိုစားသုံးခြင်းသည် ဆိုးရွားသောအစာအိမ်အူလမ်းကြောင်းရောဂါများကိုဖြစ်စေနိုင်ပြီး ကိုယ်ခံအားစနစ် ဖောက်ပြန် ပြောင်းလဲသော Crohn’s disease နှင့် celiac disease များကိုပင် ဖြစ်စေနိုင်ကြောင်းအခိုင်အမာဆိုထားသည်။ Lectins ကို လူတို့၏အစာချေအင်ဇိုင်းများက မချေဖျက်နိုင်ဘဲ ၎င်း၏သဘာဝဓာတ်ကြောင့် အူလမ်းကြောင်းနံရံများတွင်တွယ်ကပ်နေနိုင်ပြီး ရောင်ရမ်းခြင်းကိုဖြစ်စေကာ အူနံရံပျက်စီးပြီး အစာနှင့်အဆိပ်အတောက်များကို အစာချေလမ်းကြောင်းမှ သွေးကြောထဲသို့တိုက်ရိုက် ဝင်ရောက်သွားနိုင်သည့် အူနံရံယိုစိမ့်ခြင်းကိုဖြစ်စေနိုင်သည်။ ဒေါက်တာ Gundy ၏အဆိုအရ စားသောက်မှုများတွင် Lectins ကိုလျှော့ချခြင်းသည် ကျန်းမာရေး၊ ရောဂါကာကွယ်ခြင်းနှင့် ကိုယ်အလေးချိန်လျှော့ချခြင်းများအတွက် ကောင်းမွန်သောအကျိုး သက်ရောက်မှုများရှိသည်။ စာအုပ်ထဲတွင် ပုံပြင်ဆန်သောအထောက်အထားများနှင့် သက်သေခံချက်များလုံလောက်စွာပါဝင်သော်လည်း စာရေးသူ၏ အဆိုကို ထောက်ခံရန် သိပံ္ပအထောက်အထားမရှိပါ။

အချက်အလက်များ

• Lectins ကို အစားအစာအားလုံးတွင်တွေ့ရသော်လည်း ပဲတောင့်ရှည် နှင့် အစေ့အဆန်များတွင်ပိုမိုသိပ်သည်းစွာပါဝင်ကာ အာလူးများအပါအဝင် အခြားအပင်မှရသောအစားအစာများတွင် ပါဝင်သောပမာဏပိုမိုနည်းပါးသည်။
• Lectins များသည် အပင်မှရရှိသည့် ကျယ်ပြောသောပရိုတင်းအမျိုးအစား( ပရိုတင်းတစ်ခုတည်းမဟုတ်) ဖြစ်သည်။ အချို့Lectins များသည် အဆိပ်ရှိသော်လည်း အချို့တွင် ကိုယ်ခံအားစနစ်ကိုကောင်းမွန်စေခြင်းနှင့် ကင်ဆာဆဲလ်များကို ချေဖျက်ပေးခြင်း စသည့်ကောင်းမွန်သော အကျိုးကျေးဇူးများရှိသည်။
• အချို့သော Lectins များသည် အစာအိမ်အူလမ်းကြောင်းရောဂါများကိုဖြစ်စေနိုင်သော်လည်း အစိမ်းစားသုံးခြင်းနှင့် ပမာဏများများစားသုံးမှသာဖြစ်သည်။ ချက်ပြုတ်ခြင်းဖြင့် Lectins များ၏သဘာဝကိုချေဖျက်နိုင်သည်။ အကယ်စင်စစ် ပဲတောင့်ရှည်များကို ရေတွင်ပြုတ်ခြင်းဖြင့် Lectins များ၏အန္တရာယ်များကို ဖယ်ရှားနိုင်ပြီး စည်သွပ်ထားသောပဲများသည်လည်း ထိုနည်းလည်းကောင်းပင်ဖြစ်သည်။ အစားအစာများကို ရေစိမ်ခြင်း၊ အညှောင့်ပေါက်စေခြင်းနှင့် အချဉ်ဖောက်ခြင်းဖြင့် Lenctins များကို လျော့ကျစေနိုင်သည်။
• Lectins ပါဝင်သော အစေ့အဆန်များ၊ ပဲတောင့်များနှင့်အာလူးများသည် ဗီတာမင်-ဘီ၊ အမျှင်ဓာတ်နှင့် ပိုတက်ဆီယမ်အပါအဝင် အဓိကအာဟာရဓာတ်များကို သိသိသာသာပေးစွမ်းနိုင်သည်။
• ပဲတောင့်များ၊ အစေ့အဆန်နှင့် အာလူးကဲ့သို့သော ဟင်းသီးဟင်းရွက်များရှိ အာဟာရအကျိုးကျေးဇူးများသည် ၎င်းတို့တွင်တစ်စွန်းတစ်စကျန်ရှိနေသော Lectins များကြောင့်စိုးရိမ်ရသည်များထက် ပိုမိုအလေးသာသည်။
• အာလူးများသည် အာဟာရဓာတ်များသိပ်သည်းစွာပါဝင်သည့် ဟင်းသီးဟင်းရွက်တစ်မျိုးဖြစ်သည်။ အခွံမခွာထားသော အလယ်အလတ်အရွယ် ၅.၃အောင်စအာလူးတစ်လုံးသည် အကောင်းမွန်ဆုံး ဗီတာမင်-စီအရင်းအမြစ်၊ ကောင်းမွန်သော ဗီတာမင် ဘီ6 အရင်းအမြစ်တစ်ခုဖြစ်ပြီး ငှက်ပျောသီးများထက် ပိုတက်ဆီယမ် ပိုမိုပါဝင်သည်။

PDF ဖိုင်ရယူရန် : အာလူးများရှိ Lectins →

REFERENCES

1. Gong T, Wang X, Yang Y, Yan Y, Yu, Zhou R, Jiang W. Plant Lectins Activate the NLRP3 Inflammasome To Promote Inflammatory Disorders. J Immunol. 2017;198:2082-2092.
2. Mayo Clinic. Know Your Lectins. https://connect.mayoclinic.org/page/gastroenterology-and-gi-surgery/newsfeed-post/know-your-lectins-1/ Accessed 5/20/19
3. Gundy SR. The Plant Paradox: The Hidden Dangers in “Healthy” Foods That Cause Disease and Weight Gain. Haper Wave. 2017.
4. Voidani A. Lectins, agglutinins, and their roles in autoimmune reactivities. Altern ther Health Med. 2015;21(Suppl 1):46-51.
5. Cheung RCF, Wong JH, Ng TB, Naude R, Rolka K, Tse R, Tse TF, Chan H, Sze SCW. Tuber lectins with potentially exploitable bioactives. Curr Med Chem. 2018;25:5986-6001.
6. Yau T, Dan X, Ng CC, Ng TB. Lectins with potential for anti-cancer therapy. Molecules. 2015;20:3791-3810.