Ingredients
ပါဝင်ပစ္စည်းများ
- U.S. Dehydrated Potato Flakes - ၁၀၀ ဂရမ်
- ကြက်သွန်နီ (လှီးထားပါ) - ၄၀ ဂရမ်
- ကြက်သွန်ဖြူ (လှီးထားပါ) - ၂၀ ဂရမ်
- ဘေကွန် (လှီးထားပါ) - ၅၀ ဂရမ်
- ချိစ် (ခြစ်ထားပါ) - ၉၀ ဂရမ်
- နံနံပင် - ၁၀ ဂရမ်
- ပေါင်မုန့်ဂျုံ - ၇၀ ဂရမ်
- ကြက်ဥ - ၄ လုံး
- ပေါင်မုန့်ကပ် - ၇၀ ဂရမ်
- ဆား - ၅ ဂရမ်
- ငရုတ်ကောင်းနက် - ၅ ဂရမ်
- ဟင်းသီးဟင်းရွက်ဆီ - ၅၀၀ မီလီလီတာ
- မန်ကျည်းရည် - ၄၀ မီလီလီတာ
- ငရုတ်သီးစိမ်း (လှီးထားပါ) - ၅ ဂရမ်
- သကြား - ၅ ဂရမ်
- ငါးငံပြာရည် - ၁၀ မီလီလီတာ
Preparation
ပြုလုပ်နည်းအဆင့်ဆင့်
- ပါဝင်ပစ္စည်းများကို အဆင်သင့်ပြင်ဆင်ထားပါ။
- အိုးထဲတွင် ရေထည့်ပြီး ပူလာလျှင် U.S. Dehydrated Potato Flakes ကို ပျစ်လာသည်အထိမွှေပေးပါ။ အာလူးပျစ်လာလျှင် မီးပိတ်ပြီး အအေးခံထားပါ။
- ဆီသပ်ရန်အတွက် အိုးတစ်လုံးထဲတွင် ဆီအနည်းငယ်ထည့်ပြီး ဆီပူလျှင် ကြက်သွန်ဖြူ၊ ကြက်သွန်နီ၊ ဝက်ပေါင်ခြောက်တို့ကို နွမ်းလာသည်အထိ ဆီသပ်ပါ။ နွမ်းလာလျှင် အအေးခံထားသောအာလူးအိုးထဲသို့ နံနံပင်၊ ဆား၊ ငရုတ်ကောင်းမှုန့်တို့ကို ရောထည့်ပြီး သမအောင်မွှေကာ ၁၅ မိနစ်ခန့် အအေးခံပေးပါ။
- ဂျုံမှုန့်တစ်ပန်းကန်၊ ပေါင်မုန့်ခြောက်တစ်ပန်းကန်၊ မွှေထားသောကြက်ဥတစ်ပန်းကန်ပြင်ထားပါ။
- အအေးခံထားသော U.S. အာလူးကို ၃၀ ဂရမ် အရွယ်အလုံးများလုံးပြီး ဘေကွန်ကို အထဲတွင်ထည့်လုံးထားပေးပါ။
- လုံးထားသောအာလူးလုံးများကို ဂျုံမှုန့်အရင်ကပ်ပါ။ ပြီးလျှင် ကြက်ဥထဲတွင် နှစ်ပြီး ပေါင်မုန့်ခြောက်ကပ်ကာ ရေခဲသေတ္တာအအေးခန်းထဲတွင် ၁၅ မိနစ်ခန့်ထည့်ထားပါ။
- အာလူးအအေးခံထားသောအချိန်တွင် တွဲဖက်သုံးဆောင်ရန်အတွက် အချဉ်ရည်ကို ပြုလုပ်ထားပေးပါ။ အချဉ်ရည်ပြုလုပ်ရန်အတွက် မန်ကျည်းရည်၊ ငရုတ်သီးစိမ်း၊ သကြား၊ ငံပြာရည်၊ နံနံပင်၊ ကြက်သွန်ဖြူတို့ဖြင့် အချဉ်ရည်စပ်ပါ။
- အာလူးကြော်ရန်အတွက် အိုးထဲတွင်ဆီထည့်ပြီး ဆီအပူပေးကာ ဆီအပူချိန် ၁၈၀°C တွင် မီးအေးအေးဖြင့် ရွှေရောင်ရသည်အထိကြော်ပြီး ပုံပါအတိုင်းအချဉ်ရည်နှင့် တွဲဖက်သုံးဆောင်နိုင် ပါသည်။