အဖြူရောင်ဟင်းသီးဟင်းရွက်များ
အဖြူရောင်ဟင်းသီးဟင်းရွက်များတွင် အခြားအရောင်တောက်ပသောဟင်းသီးဟင်းရွက်များထက် အာဟာရဓာတ်ပါဝင်မှုနည်းပါသလား။
အဖြူရောင်ဟင်းသီးဟင်းရွက်များတွင် အခြားအရောင်တောက်ပသောဟင်းသီးဟင်းရွက်များထက် အာဟာရဓာတ်ပါဝင်မှုမနည်းပါ။ မည်သည့်အရောင်ရှိသောဟင်းသီးဟင်းရွက်မဆို အမေရိကန်လူမျိုးများ၏စားသောက်မှုများအတွက် အရေးကြီးသောအာဟာရဓာတ်များကို ပေးစွမ်းနိုင်ပါသည်။
အချက်အလက်များ
- အစိမ်းရောင်၊ အနီရောင်နှင့် လိမ္မော်ရောင်ရှိသော ဟင်းသီးဟင်းရွက်များ၊ ပဲတောင့်ရှည်များ ( ပဲသီးနှင့် ပဲစေ့များ) နှင့် (အာလူးများကဲ့သို့) ကစီဓာတ်ကဲသောဟင်းသီးဟင်းရွက်များအပါအဝင် ဟင်းသီးဟင်းရွက်အုပ်စုအမျိုးမျိုးမှ ဟင်းသီးဟင်းရွက်များကို စုံလင်စွာစားသုံးရန် အမေရိကန်လူမျိုးများကို USDA ၏ ဓာတ်စာလမ်းညွှန်ချက်များက အကြံပြုထားသည်။
- အဖြူရောင်ဟင်းသီးဟင်းရွက်များသည် များလှစွာသောအမေရိကန်လူမျိုးများ၏စားသောက်မှုများတွင် ချို့တဲ့နေသော အဓိကအာဟာရဓာတ်များကိုပေးစွမ်းနိုင်ပြီး ဟင်းသီးဟင်းရွက်စားသုံးသည့်ပမာဏကိုလည်းမြင့်တင်ပေးနိုင်သည်။
- ဟင်းသီးဟင်းရွက်များရှိအရောင်သည် ၎င်းတွင်ပါဝင်သောအာဟာရဓာတ်တန်ဖိုးများကိုမမှန်းဆပေးနိုင်ပါ။ အာဟာရဓာတ်များသိပ်သည်းစွာပါဝင်သောအာလူးများအပါအဝင် အဖြူရောင်ဟင်းသီးဟင်းရွက်များသည် အသက်အရွယ်အလိုက် အမေရိကန်လူမျိုးများ၏စားသောက်မှုများတွင် လိုအပ်နေသောအာဟာရများချို့တဲ့မှုအတွက် အရေးပါသောပမာဏအထောက်အပံ့ပေးနိုင်သည်။
- ဤတွင် ပိုတက်ဆီယမ်သည် ကောင်းမွန်သောသွေးပေါင်ချိန်အတွက် လိုအပ်သောအာဟာရဓာတ်တစ်ခုဖြစ်ပြီး အမေရိကန်လူမျိုးအရွယ်ရောက်သူများ၏ ၂ – ၃% သာလျှင် အကြံပြုထားသောနေ့စဉ်စားသုံးသင့်သည့်ပမာဏကို ပြည့်မီသည်။
- အဖြူရောင်ဟင်းသီးဟင်းရွက်များမှပေးစွမ်းနိုင်သောအာဟာရဓာတ်များအကြောင်းလေ့လာချက်တစ်ခုအရ ကလေးများနှင့် အရွယ်ရောက်သူများတွင် အာလူးဖြူများသည် အစားအစာမှရရှိသည့်အမျှင်ဓာတ်စားသုံးမှုမြင့်မားခြင်းနှင့် ခိုင်မာစွာ ဆက်စပ်နေကြောင်းတွေ့ရှိခဲ့သည်။
- အတိအကျဆိုရလျှင် အာလူးစားသုံးသူအမျိုးသားများအသက်အရွယ်အုပ်စု ၈စုလျှင် ၆စုတွင် အစားအစာမှရသောအမျှင်ဓာတ်၏ ၂၀%ထက်ပိုသောပမာဏကို အာလူးဖြူများမှပေးစွမ်းနိုင်ပြီး အာလူးစားသုံးသူ အမျိုးသမီးများအသက်အရွယ်အုပ်စု ၈စုလျှင် ၆စုတွင် အစားအစာမှရသောအမျှင်ဓာတ်၏ ၁၆%ထက်ပိုသောပမာဏကို အာလူးဖြူများကပေးစွမ်းနိုင်ကြောင်း ရလဒ်များကညွှန်ပြခဲ့သည်။
အခွံမခွာထားသောအလယ်အလတ်အရွယ် (၅.၃အောင်စ)အာလူးသည် ကာဘိုဟိုက်ဒြိတ် ၂၆ဂရမ်၊ ပိုတက်ဆီယမ် ၆၂၀မီလီဂရမ်၊ ဗီတာမင် – စီ ၂၇မီလီဂရမ်၊ အမျှင်ဓာတ် ၂ဂရမ်၊ ပရိုတင်း ၃ဂရမ်ပေးစွမ်းနိုင်ပြီး အဆီ၊ ဆိုဒီယမ်နှင့် ကိုလက်စထရောကင်းမဲ့သည်။
PDF ဖိုင်ရယူရန် : အဖြူရောင်ဟင်းသီးဟင်းရွက်များ →
ကိုးကားချက်များ
1. https://health.gov/dietaryguidelines/2015/guidelines/executive-summary/
2. Weaver C, Marr ET. White vegetables: a forgotten source of nutrients: Purdue roundtable executive summary. Adv Nutr. 2013 May 1;4(3):318S-26S. https://www.ncbi.nlm.nih.gov/pubmed/23674800 or https://www.ncbi.nlm.nih.gov/pmc/articles/PMC3650503/
3. Storey ML, Anderson PA. Contributions of white vegetables to nutrient intake: NHANES 2009- 2010. Adv Nutr. 2013;4:335S-44S.
4. Nutritional data is based on a 5.2 ounce skin-on potato. US Department of Agriculture, Agricultural Research Service, Nutrient Data Laboratory. USDA National Nutrient Database for Standard Reference, Release 28 (Slightly revised). Version Current: May 2016. Internet: http://www.ars.usda.gov/ba/bhnrc/ndl