Main Dish
U.S. အာလူးမာလာနှင့် ကြက်သားမြေပဲအစပ်ကြော်
No Reviews
Prep Time: 15min
Cook Time: 15min
Serves: 3
Ingredients
- U.S. Frozen Crinkle Cut Fries - ၄၅၀ ဂရမ်
- မာလာအနှစ် (အသင့်ချက်ပြီးသား) - ၃ ထမင်းစားဇွန်း
- ခရမ်းချဉ်သီးမှည့် (နုပ်နုပ်စဉ်း) - ၃ လုံး
- ကြက်သွန်နီ (နုပ်နုပ်စဉ်း) - ၂ လုံး
- ကြက်သွန်ဖြူကြီး (နုပ်နုပ်စဉ်း) - ၁/၂လုံး
- ငရုတ်သီးစိမ်းမှုန့် - ၁ ထမင်းစားဇွန်း
- အရသာမှုန့် (ကြက်သားမှုန့်) - ၂ လက်ဖက်ရည်ဇွန်း
- မြေပဲအနီကြော် - ၁ ထမင်းစားဇွန်း
- ကြက်သားအကြွပ်ကြော် - ၃ ထမင်းစားဇွန်း
- နှမ်းလှော် - ၁ ထမင်းစားဇွန်း
- ကြက်သွန်မြိတ် (ပါးပါးလှီး) - ၁ ထမင်းစားဇွန်း
- ကြက်သွန်နီကြော် - ၁ လုံး
- ဆီ - အနည်းငယ်
- ငရုတ်သီးအကြွပ်ကြော် - ၁၀ တောင့်
Preparation
Prep Time: 15min | Cook Time: 15min
မာလာအနှစ်ချက်နည်း
- မီးဖိုပေါ်တွင် အိုးကိုအပူပေးပြီး ဆီအနည်းငယ်ထည့်ပါ။ ဆီပူလာလျှင် ကြက်သွန်ဖြူ၊ ကြက်သွန်နီ တို့ကိုထည့်ပြီး ဆီသတ်အနံ့မွှေးလာလျှင် ငရုတ်သီးစိမ်းမှုန့်ထည့်ပြီး ကျက်လျှင် မာလာအနှစ်၊ ခရမ်းချဉ်သီး နှင့် အရသာမှုန့်ထည့်ပြီး အနှစ်အနံ့အရသာကောင်းသည်အထိ မီးမျှင်းမျှင်းဖြင့် ဆီပြန်အောင် တင်ထားပါ။
U.S. Crinkle Cut ကြော်နည်း
- အိုးထဲတွင် ဆီကို အပူချိန် ၁၈၀°C (သို့) ဆီကောင်းကောင်းပူလာသည်အထိ စောင့်ပြီး ဆီပူလာလျှင် U.S. Frozen Crinkle Cut ထည့်ပြီး ၃ မိနစ် (သို့) အာလူးရွှေညိုရောင်သမ်း လာသည်အထိ ကြော်ပြီး ဆီစစ်ထားပါ။
ကြက်သားအကြွပ်ကြော်နည်း
- ကြက်သားကို ပါးပါးလှီးပြီး အရသာမှုန့် (ကြက်သားအမှုန့်) ၊ ဆား၊ ငရုတ်ကောင်းအနည်းငယ်ထည့်ပြီး နယ်ထားပါ။ အိုးထဲတွင် ဆီဆူအောင်တည်ပြီး နယ်ထားသောကြက်သားကို ကြွပ်ကြွပ်လေးဖြစ်အောင်ကြော်ပြီး ဆီစစ်ထားပါ။
ချက်ပြုတ်ပြင်ဆင်နည်း
- အသင့်ချက်ထားသော မာလာအနှစ်ကို အပူပေးပြီး၊ ကြော်ထားသော အာလူးကို ရောမွှေပါ။ ပြီးလျှင် ကြက်ကြွပ်ကြော်၊ ကြက်သွန်မြိတ်၊ မြေပဲကြော်တို့ကိုထည့်ပြီး အရသာမြည်းကြည့်ပါ။ ကြိုက်နှစ်သက်သည့်အရသာရပြီဆိုလျှင် ပန်းကန်ပေါ်တွင် အာလူးမာလာထည့်ပြီး ကြက်သွန် ကြော်၊ နှမ်း၊ မြေပဲ၊ ကြက်သွန်မြိတ်၊ ငရုပ်သီးကြော်တို့ဖြင့် အလှဆင်ပြီး တည်ခင်းကျွေးမွေး နိုင်ပါသည်။