Ingredients
- U.S. Frozen Crinkle Cut − ၇၀၀ ဂရမ်
- ငရုတ်သီးအကြမ်းမှုန့် − ထမင်းစားဇွန်း ၂ ဇွန်း
- ကြက်သွန်ဖြူ − ၈ မွှာ
- ငါးငံပြာရည် − လက်ဖက်ရည်ဇွန်း ၁ ဇွန်း
- ဆား − လက်ဖက်ရည်ဇွန်းတစ်ဝက်
- အာလူးကြော်ရန်ဆီ − မိမိလိုသလောက်
Preparation
ပြင်ဆင်ရန်
- ကြက်သွန်ဖြူများကို အခွံနွှာပြီး မညက်တညက် ထောင်းထားပါ။
အာလူးကြော်ရန်
- ဆီကို မိမိ အသုံးပြုမည့် U.S. အေးခဲအာလူးချောင်းများ မြုပ်ရုံ ပမာဏ အိုးထဲထည့်ကာ ပူလာသည်အထိ အပူပေးပါ။
- အထုပ်ပေါ်တွင်ရေးထားသော အညွှန်းအတိုင်း ဆီပူလာလျှင် အေးခဲနေသော အာလူးချောင်းများကို ရေခဲသေတ္တာထဲမှ ထုတ်ကာ ချက်ချင်း ဆီပူအိုးထဲထည့်ကြော်ပါ။ (အာလူးများ ရေခဲပျော်အောင် စောင့်စရာမလို)
- အာလူးချောင်းများ ရွှေညိုရောင်သမ်းလာလျှင် မီးပိတ်ကာ အိုးထဲမှ ဆယ်ပြီး ဆီစစ်ပေးထားပါ။
ရှူးရှဲအာလူးချောင်းကြော် ပြုလုပ်ရန်
- ဒယ်အိုးထဲတွင် ဆီ ထမင်းစားဇွန်း ၂ ဇွန်းခန့်ချန်ပြီး ဆီပူလာလျှင် မညက်တညက်ထောင်းထားသော ကြက်သွန်ဖြူများကို ထည့်ကာ မွှေးလာသည်အထိ ဆီသတ်ပါ။
- မွှေးလာလျှင် ငရုတ်သီးအကြမ်းမှုန့်၊ ငါးငံပြာရည်နှင့် ဆားတို့ကို ထည့်ကာ သမအောင် စက္ကန့် ၃၀ ခန့် မွှေပါ။
- နောက်ဆုံးတွင် ကြော်ပြီးသား အာလူးချောင်းကြော်များကို ဆီသတ် ငရုတ်သီးအနှစ်ထဲသို့ထည့်ပြီး သမအောင် မွှေကြော်ပေးပါ။
- အစပ်အရသာများအားလုံး အာလူးချောင်းများပေါ်တွင် နှံ့စပ်ပြီဆိုလျှင် ပွဲပြင်မည့်ပန်းကန်ထဲသို့ ပြောင်းထည့်ကာ စားပြီးရင်းစားချင် ဖြစ်စေနိုင်တဲ့ ရှူးရှဲအာလူးချောင်းကြော်လေးကို အရသာရှိရှိ သုံးဆောင်နိုင်ပြီ ဖြစ်ပါတယ်။
