ထိုင်းစတိုင် အုန်းနို့ကြက်သားအာလူး

Preparation

Prep Time: 30min | Cook Time: 40min

ပြုလုပ်ပုံအဆင့်ဆင့်

• အသားနှပ်ရန်ပါဝင်ပစ္စည်းများကို ပန်းကန်လုံးအသေးတစ်လုံးထဲတွင် ရောထားပါ။
• Oven ကို ၃၅၀F အပူချိန်ကြိုပေးထားပါ။
• မီးကင်ရန်ဗန်းထဲတွင် အာလူးနီများကို ဆီတစ်ဇွန်း ၊ ရောထားသော ဟင်းခတ်အမွှေးအကြိုင် အနည်းငယ်ဖြင့် ရောနယ်ထားပါ။ တခြားပါဝင်ပစ္စည်းများကို ပြင်ဆင်နေချိန်တွင် အာလူးကို Oven ထဲ ၁၅-၂၀ မိနစ်ခန့် မီးကင်ထားပါ။
• အသားနှပ်ရန်ဟင်းခတ်အမွှေးအကြိုင်အရောကို ကြက်သားအနှံ့နယ်လိုက်ပါ။
• ဒယ်အိုးအကြီးတစ်ခုထဲတွင် ဆီကိုအပူပေးပြီး ကြက်သားကို အရေခွံရှိသည့်ဖက်ကို စပြီး အနည်းငယ်အညိုရောင်သမ်းလာသည်အထိ ၅ မိနစ်ခန့်ကင်ပါ။ နောက်တစ်ဖက်လှန်ပြီး အလားတူကင်ပါ။ ကြက်သားကို ပန်းကန်တစ်ခုထဲပြောင်းထည့်ထားပါ။
• ကြက်သွန်နီ ၊ ကြက်သွန်ဖြူ ၊ ချင်း နှင့် ငရုတ်သီးတို့ကို အိုးထဲထည့်ပြီး အနည်းငယ်နွမ်းပြီး မွှေးလာသည်အထိ ဆီသတ်ပါ။
• အုန်းနို့ ၊ ပဲငံပြာရည် ၊ ငါးငံပြာရည်တို့ထည့်ပြီး အရသာအတွက်ဆားအနည်းငယ်ထည့်ပါ။ ပဲငံပြာရည်နှင့် ငါးငံပြာရည် သုံးထားပြီးဖြစ်သည့်အတွက် ဆားထည့်သည့်အခါ အနည်းငယ်သာထည့်ပါ။
• မီးကင်ထားသောကြက်သားကို အိုးထဲပြန်ထည့်ပါ၊ အာလူးကို Oven ထဲမှထုတ်ပြီး ကြက်သားအိုးထဲရောထည့်လိုက်ပါ။ နံနံပင်အုပ်ပါ။
• အိုးကို Oven ထဲထည့်သုံးနိုင်သည့်အဖုံး သို့မဟုတ် သတ္တုလွှာအပြားဖြင့်အုပ်ပြီး Oven ထဲ မိနစ် ၂၀ ခန့် မီးဖုတ်ပါ။ အဖုံးမပါဘဲ နောက်ထပ် ၁၀-၁၅မိနစ် သို့မဟုတ် ကြက်သားနှင့်အာလူးများနူးသည်အထိ ထပ်မီးဖုတ်ပါ။ အရေခွံကြွပ်ရွနေအောင် နောက်ဆုံး ၂-၃မိနစ်ကို မီးကင်ပါ။
• အိုးကို Oven ထဲမှထုတ်ပြီး နံနံပင်များကို ဖယ်လိုက်ကာ သံပုရာရည်ဆမ်းပါ။

ကြက်သားနှင့်အာလူးကို တည်ခင်းမည့်ပန်းကန်ထဲသို့ပြောင်းထည့်ပါ။ အုန်းနို့အနှစ်ကိုစစ်ပြီး ကြက်သားအာလူးနှင့်အတူတည်ခင်းပါ။ ပေါင်မုန့်သို့မဟုတ် ထမင်းနှင့် ပူပူနွေးနွေးတည်ခင်းပါ။