Main Dish
U.S. Crinkle Cut အာလူးချောင်း နှင့် မုန်ညှင်းချဉ်၊ ပဲပိစပ်အငံ ကြော်
Ready Time: 40min
No Reviews
Prep Time: 10min
Cook Time: 30min
Cuisine: Asian
Serves: 3-4
Prep Method: Stir Fry
Ingredients
- U.S. Frozen Crinkle Cut - ၁ ခွက်
- ဝက်ဗိုက်သား (ခပ်ကြီးကြီး အမြှောင်းလိုက်လှီးထားပါ) - ၄၅၀ ဂရမ်
- မြေပဲဆီ - ၁/၄ ခွက်
- ကြက်သွန်နီ (ခပ်ပါးပါးလှီးထားပါ) - ၁ လုံး
- မုန်ညှင်းချဉ်အစိမ်းထုပ် (ရေစစ်၊ အလည်ရိုးဖယ်ပြီး ပါးပါးလှီးထားပါ) - ၃၀၀ ဂရမ်
- ငရုတ်သီးစိမ်း (ထက်ခြမ်းခြမ်းထားပါ) - ၅ တောင့်
- ကြက်သွန်ဖြူ (လှီးထားပါ) - ၃ တက်
- ချင်း (ပါးပါးအချောင်းလေးလှီးထားပါ) - ၁ လက်မ
- ပဲပိစပ်အငံ - ထမင်းစားဇွန်း ၃ ဇွန်း
- ဆား - ၁/၂ လက်ဖက်ရည်ဇွန်း
- ရေ - ၁/၂ ခွက်
- သကြား - လက်ဖက်ရည်ဇွန်း ၁ ဇွန်း
Preparation
Prep Time: 10min | Cook Time: 30min
ပြုလုပ်နည်း
- ၁။ ဒယ်အိုးကို မီးအနေတော်ဖြင့်အပူပေးပါ။ ပြီးလျှင် ဆီ နှင့် ကြက်သွန်နီထည့်ပါ။ ၅ မိနစ်လောက် တည်ပါ၊ မကြာခဏမွှေပေးပါ၊ ကြက်သွန်အရောင်ကြည်ပြီး အိလာလျှင်ရပါပြီး။ ပြီးလျှင် ကြက်သွန်ဖြူ နှင့် ချင်းထည့်ပြီး တည်ပါ အနံ့မွှေးလာသည်အထိ ၂ မိနစ်လောက်တည်ပါ။ ပြီးလျှင် ဝက်သား ထည့်ပြီး ၄ – ၅ မိနစ်လောက် ထပ်ကြော်ပါ၊ ဝက်သား အရောင်အနည်းငယ်ညိုလာသည်အထိတည်ပါ။ ပြီးလျှင်ငရုတ်သီးထည့်ပြီး ၁ မိနစ်လောက်ထပ်ကြော်ပါ။ ရေထည့်ပြီး ဆူပွတ်လာအောင်တည်ပါ၊ ရေအနည်းငယ်ခမ်းပြီး ဝက်သုံးထပ်သားမှ အဆီများတက်လာပြီး အိုးထဲအဆီဝှေ့လာသည်အထိတည်ပါ။ ပြီးလျှင် မုန်ညှင်းချဉ်များထည့်ပြီး သေချာနှံ့အောင်မွှေပါ၊ အတော်ကြာကြာလေး အပူချိန်မျှတလာသည်အထိတည်ပါ။
- ၂။ U.S အာလူးနှင့် ပဲပိစပ်အငံ များထည့်ပါ။ ခပ်ဖွဖွလေး မွှေပေးပါ၊ ပါဝင်ပစ္စည်းများ နှင့် အာလူးများ မကျိုးမပဲ့ စေပဲ အားလုံးရောသမအောင် ဒယ်အိုးကို လှုပ်လှုပ်ပေးပါ။ ရေအနည်းငယ်ထည့်ပြီး အိုးအဖုံးအုပ်ကာ ၃ -၅ မိနစ်လောက် အာလူးအိတဲ့အထိတည်ပေးပါ။ မကြာခဏ ခပ်ဖွဖွလေးမွှေပေးပါ။ အရသာကို သကြားနှင့် ဆား ထည့်ပါ။
မုန်ညှင်းဖတ်များ အိပျော့ပြီး အရသာများ အားလုံးနှံ့လျှင် ဟင်းပွဲကအသင့်ဖြစ်ပါပြီး။ မီးဖိုပေါ်မှချပြီး၊ ထမင်းဖြူ (သို့) ဆန်ပြုတ်တို့ဖြင့် တွဲဖက်သုံးဆောင်နိုင်ပါသည်။