Ingredients
- U.S. Frozen Wedges − ၄၀၀ ဂရမ်
- ကြက်ပေါင် − ၆၀၀ ဂရမ်
- ကြက်သွန်နီ − ၃ လုံး
- ကြက်သွန်ဖြူ − ၁၀ မွှာ
- ချင်း − လက်တစ်ဆစ် အရွယ် ၁ တုံး
- ဆား − လက်ဖက်ရည်ဇွန်း ၂ ဇွန်း
- ကြက်သားမှုန့် − လက်ဖက်ရည်ဇွန်း ၁ ဇွန်း
- နနွင်းမှုန့် − လက်ဖက်ရည်ဇွန်းတစ်ဝက်
- ငရုတ်သီးအရောင်တင်မှုန့် − လက်ဖက်ရည်ဇွန်း ၂ ဇွန်း
- ငါးငံပြာရည် − လက်ဖက်ရည်ဇွန်း ၁ ဇွန်း
- ရေ − ၃၅၀ မီလီလီတာခန့်
- ပူစီနံ − အနည်းငယ်
- ကြက်သားဟင်းချက်ရန် ဆီ − ထမင်းစားဇွန်း ၃ ဇွန်း
- အာလူးကြော်ရန် ဆီ − မိမိ လိုသလောက်
Preparation
ပြင်ဆင်ရန်
- သန့်စင်ပြီး ကြက်ပေါင်များကို ဆား လက်ဖက်ရည်ဇွန်း ၁ ဇွန်း ခန့်ထည့်ပြီး အရသာဝင်အောင် နယ်ကာ မိနစ် ၃၀ ခန့် ကြိုနှပ်ထားပေးပါ။
- ကြက်သွန်နီ၊ ကြက်သွန်ဖြူ နှင့် ချင်းများကို အခွံနွှာကာ ညက်နေအောင် ထောင်းထားပေးပါ။
အာလူးကြော်ရန်
- ဆီကို မိမိ အသုံးပြုမည့် အာလူးခွဲခြမ်းများ မြုပ်ရုံ ပမာဏ အိုးထဲထည့်ကာ ပူလာသည်အထိ အပူပေးပါ။
- အထုပ်ပေါ်တွင်ရေးထားသော အညွှန်းအတိုင်း ဆီပူလာလျှင် U.S. Frozen Wedges များကို ဆီပူအိုးထဲထည့်ပြီး ထည့်ကြော်ပါ။ (အာလူးများ ရေခဲပျော်အောင် စောင့်စရာမလို)
- အာလူးများ ရွှေညိုရောင်သမ်းပြီး အပြင်သားကြွပ်လာလျှင် မီးပိတ်ကာ အိုးထဲမှ ဆယ်ပြီး ကြက်သားဟင်းနှင့် တွဲဖက် သုံးဆောင်နိုင်ရန် ဆီစစ်ပေးထားပါ။
ကြက်သားဟင်း ပြုလုပ်ရန်
- ဒယ်အိုးထဲတွင် ဆီပူလာလျှင် နနွင်းမှုန့်အနည်းငယ်ထည့်ပါ။
- ထို့နောက် ညက်နေအောင် ထောင်းထားသော ကြက်သွန်နီ၊ ကြက်သွန်ဖြူ နှင့် ချင်းတို့ကို ထည့်ပြီး မွှေးလာသည်အထိ ဆီသတ်ပါ။
- ဆီသတ်အနှစ်များ မွှေးလာလျှင် ငရုတ်သီးအရောင်တင်မှုန့် နှင့် ငါးငံပြာရည်တို့ကို ထည့်ပြီး အနည်းငယ် ဆက်ပြီး ဆီသတ်ပေးပါ။
- ထို့နောက် အရသာနှပ်ထားသော ကြက်ပေါင်များကို ထည့်ပြီး အပြင်သား တင်းလာသည်အထိ လုံးချက်ပေးပါ။
- ကြက်ပေါင်များ အပြင်သား တင်းလာလျှင် ဆား (လက်ဖက်ရည်ဇွန်း ၁ဇွန်း) နှင့် ကြက်သားမှုန့်တို့ကိုထည့်ပြီး ရေကိုပါ ကြက်သား မြုပ်ရုံထည့်ကာ ကြက်သားနူးသည်အထိ အဖုံးအုပ်ပြီး ချက်ပါ။
- ကြက်သားနူးပြီး ဆီပြန်လာလျှင် မီးဖိုပေါ်မှချပြီး ထမင်း၊ ကြွပ်ရွနေသော အာလူးခွဲခြမ်းကြော်များ နှင့် ပူစီနံများဖြင့် တွဲဖက်ကာ သုံးဆောင်နိုင်ပြီ ဖြစ်ပါသည်။
