Appetizer
Snack
အာလူးကြက်သားလိပ်
Ready Time: 35min
No Reviews
Prep Time: 10min
Cook Time: 25min
Serves: 4
Description
ဤအာလူးကြက်သားလိပ်သည် ပါတီပွဲများအတွက် အသင့်တော်ဆုံးဟင်းလျာတစ်ခုဖြစ်ပြီး ကလေးများ အကြိုက်တွေ့သည့် ဟင်းလျာတစ်မျိုးဖြစ်သည်။ ထို့ပြင် ချက်ပြုတ်ရန်လွယ်ကူပြီး အေးသွားပါက microwave ဖြင့်ပြန်နွေးရန်လည်းသင့်တော်သည်။
Ingredients
ပါဝင်ပစ္စည်းများ
- U.S. အေးခဲအာလူးချောင်း (shoestring) - ၂၀၀ ဂရမ် (၄၈ချောင်း)
- ကြက်သား - ၆လွှာ (၃၀၀ ဂရမ်)
- ကြက်သားမှုန့် - လက်ဖက်ရည်ဇွန်း ၁ဇွန်း
- ချိစ့်အမှုန့် - လက်ဖက်ရည်ဇွန်း ၁/၂ဇွန်း
- ကြက်သွန်ဖြူမှုန့် - လက်ဖက်ရည်ဇွန်း ၁/၂ဇွန်း
- ဆား - လက်ဖက်ရည်ဇွန်း ၁/၄ဇွန်း
- သံလွင်ဆီ - လက်ဖက်ရည်ဇွန်း ၁/၂ဇွန်းl
- ဆားနှင့်ငရုတ်ကောင်း - သင့်တော်သလောက်
Preparation
Prep Time: 10min | Cook Time: 25min
- ကြက်သားမှအကြောများကိုထုတ်ထားပါ။ ပလတ်စတစ်ဖြင့်အုပ်ပြီး မုန့်လှိမ့်သည့်အတံဖြင့် အသားသည် ၂မီလီမီတာခန့်ပါးသွားသည်အထိ ထုပေးပါ။ (မုန့်လှိမ့်တံမရှိပါက ဓားအနောက်ဖက်ဖြင့် ထုပေးပါ။)
- ကြက်သားလွှာလား အချောင်းပုံစံ ခပ်ပါးပါး ၁၂ခုရအောင်လှီးပေးပါ။
- (က) ဟုတပ်ထားသော ပါဝင်ပစ္စည်းများကိုဇလုံအကြီးတစ်ခုထဲတွင် အာလူးများအရသာသွင်းရန် လုံလောက်စေမည့် ပမာဏထည့်ပါ။
- အေးခဲအာလူးချောင်းများကို တတ်နိုင်သမျှပြားအောင် ပန်းကန်ပြားပေါ်တွင်စီပြီး ၂မိနစ်ခန့် မိုက်ခရိုဝေ့ဖ်တွင် အပူပေးပါ။ ထို့နောက်ချက်ချင်းပင် အရသာမှုန့်များထည့်ထားသည့် ဇလုံထဲသို့ အာလူးများကိုထည့်ပါ။ အာလူးများအပေါ်အရသာမှုန့်များကပ်စေရန် ဇလုံကိုလှုပ်ပေးပါ။
- ကြက်သားချောင်းများပေါ်တွင် ဆားနှင့်ငရုတ်ကောင်းဖြူးပေးပါ။ ထို့နောက်အာလူး ၄ချောင်းလျှင် ကြက်သားချောင်းတစ်ချောင်းဖြင့်ပတ်ပေးပါ။
- အကြော်ဒယ်ပြားထဲတွင် သံလွင်ဆီကိုအပူပေးကာ ကြက်သားလိပ်များကို အိုးထဲထည့်ပါ။ ကြက်သားများကိုအိုးထဲထည့်ရာတွင် အဆက်ရာဖြစ်နေသည့်ဖက်အား အိုးနှင့်အရင်ကပ်ထည့်ပေးပါ။ ၂မိနစ်ခန့် အိုးအဖုံးပိတ်ကာ မီးပြင်းပြင်းဖြင့်ကြော်ပေးပါ။ ထို့နောက် ကြက်သားများကိုတစ်ဖက်လှန်ကာ အဖုံးပိတ်ပြီး ၃မိနစ်ခန့်ကြော်ပေးပါ။
- ပန်းကန်ပြားထဲသို့ထည့်ပြီး ငရုတ်ကောင်းဖြူးပေးပါ။ ဤဟင်းလျာအား ဆလပ်ရွက်၊ ချယ်ရီခရမ်းချဉ်သီးနှင့် သံပုရာသီးစိတ်တို့ဖြင့်အလှဆင်နိုင်ပါသည်။ (သံပုရာသီးညှစ်၍သုံးဆောင်လျှင် လည်းအလွန်အရသာရှိသည်။)
