U.S. Hash Brown အသားပီဇာ

Preparation

Prep Time: 15min | Cook Time: 45min

• ပီဇာအနားသား ပြုလုပ်ရန်အတွက် အေးခဲထားသော U.S. Hash Browns များကို အရည်ပျော်ရန် အခန်းအပူချိန်တွင် ၃ နာရီခန့်ထားပါ။ အရည်ပျော်နေသော U.S. Hash Browns များထဲမှ အရည်များကို တတ်နိုင်သမျှ ကုန်စင်အောင်ညှစ်ပါ။ ဇလုံအကြီးထဲတွင် အာလူးများကို ချေပြီး ထောပတ်၊ ကြက်ဥတို့ထည့်ကာ သမစွာနယ်ပါ။
• မုန့်ဖုတ်စက်ကို ၃၅၀ ဒီဂရီ ဆဲလ်စီးယပ်အထိ ကြိုတင်အပူပေးထားပါ။ နယ်ထားသော U.S. Hash Browns များကို မုန့်ဖုတ်ဗန်းပေါ်တွင်တင်၍ ပီဇာပုံရအောင် ပုံသွင်းပါ။ ထို့နောက် မုန့်ဖုတ်စက်ထဲတွင် ၁၅ မိနစ်ခန့် ဖုတ်ပါ။ ပြီးလျှင် မုန့်ဖုတ်စက်ထဲမှထုတ်၍ အအေးခံထားပါ။
• ဒယ်ပြားကို မီးအနေတော် ပေးထားပြီး ကြက်သွန်နီ၊ ကြက်သွန်ဖြူတို့ကို နေကြာဆီဖြင့် ဆီသတ်ပါ။ ကြက်သွန်နီများ နွမ်းစပြုလာလျှင် အမဲသားကြိတ်သားကို ဆီပူထိုးကြော်ပါ။ အသားကျက်လာလျှင် အိုရီဂါနို၊ ငရုတ်ကောင်းနှင့် ဆားတို့ကို ထည့်ပါ။ သမအောင်နယ်၍ အသားကျက်လျှင် အရသာကို လိုသလို ပြင်ဆင်ပါ။ ထို့နောက် မီးပိတ်ပြီး အအေးခံထားပါ။
• ပီဇာဆော့စ်ကို ပီဇာအနားသားပေါ်တွင် နှံ့အောင်ဆမ်းပါ။ အသားများကို ထည့်ပြီးလျှင် ချက်ဒါချိစ်နှင့် မိုဇရဲလားချိစ်တို့ကို ပီဇာပေါ်တွင် ဖြူးပါ။ ချိစ်များပျော်လာသည်အထိ ပီဇာကို ၃၀၀ ဒီဂရီ ဆဲလ်စီးယပ်တွင် ၁၅ မိနစ်ခန့် ထပ်ဖုတ်ပါ။ ထို့နောက် မုန့်ဖုတ်စက်ထဲမှထုတ်၍ ပီဇာကို မိနစ်အနည်းငယ် အအေးခံပြီး ပင်စိမ်းရွက်များဖြူး၍ အလှဆင်ပါ။ ပီဇာကို စိတ်ခြမ်းပြီးလျှင် သုံးဆောင်နိုင်ပါပြီ။