Ingredients
ပါဝင်ပစ္စည်းများ
- အေးခဲထားသော U.S. Wedges - ၃၀၀ ဂရမ်
- ပုစွန် - ၁၅၀ ဂရမ်
- ငရုတ်ပွအဝါ - ၁ လုံး
- ငရုတ်ပွအနီ - ၁ လုံး
- ငရုတ်ပွအစိမ်း - ၁ လုံး
- ချယ်ရီခရမ်းချဉ်သီး - ၁၀ လုံး
- သံပရာသီး - ၁ လုံး
- ငရုတ်သီး (ပါးပါးလှီး) - စားပွဲတင်ဇွန်း ၁ ဇွန်း
- ကြက်သွန်ဖြူ (ပါးပါးလှီး) - စားပွဲတင်ဇွန်း ၁ ဇွန်း
- ငံပြာရည် - စားပွဲတင်ဇွန်း ၂ ဇွန်း
- သံပရာရည် - စားပွဲတင်ဇွန်း ၂ ဇွန်း
- သကြား
- ရသာမှုန့်
- ရေအနည်းငယ်
- ပဲကြာဆံ
- ဆလတ်ရွက်
- မုန်လာဥနီ
- သံလွင်သီး
Preparation
Prep Time: 20min | Cook Time: 15min
- ပုစွန်များကို ရေနွေးထဲတွင် ခဏပြုတ်ပြီး ကျက်လျှင် ချက်ချင်းဆယ်ပါ။ ထို့နောက် နံနံပင်၊ ငရုတ်ကောင်း၊ ရသာမှုန့်တို့ထည့်ပြီး သမအောင်နယ်ပါ။
- U.S. Potato Wedges များကို လေးထောင့်အတုံးငယ်များရအောင် တုံးပါ။
- ငရုတ်ပွ ၃ လုံးကို လေးထောင့်ပုံ လှီးပြီး ချယ်ရီခရမ်းချဉ်သီးများနှင့်အတူ အရသာထည့်ပါ။
- ပုစွန်၊ ဟင်းသီးဟင်းရွက်များနှင့် အာလူးအတုံးများကို မိမိနှစ်သက်သလို တုတ်ထိုးပါ။
- ထိုင်းဆော့စ် ပြုလုပ်ရန်အတွက် ကြက်သွန်ဖြူ နုတ်နုတ်စဉ်း၊ နံနံပင်နှင့် ငရုတ်သီးတို့ကို ငံပြာရည်၊ သံပရာရည်နှင့် သကြားတို့ထည့်၍ မွှေပါ။
- မီးဖိုပေါ်တွင် ဒယ်ပြားတင်၍ ဆီအနည်းငယ်ထည့်ပြီး အပူပေးပါ။ ဆီပူလျှင် တုတ်ထိုးပြီးသားများကို ဒယ်ပြားပေါ်တွင် ကင်ပါ။ သို့မဟုတ် အရောင်လှပြီး အနံ့မွှေးလာသည်အထိ မုန့်ဖုတ်စက်ထဲတွင် ၁၈၀ ဒီဂရီ ဆဲလ်စီးယပ်၌ ၃ မိနစ်ခန့် ဖုတ်ပါ။
- ပန်းကန်ပြားပေါ်တွင် ဆလတ်ရွက်များခင်း၍ တုတ်ထိုးအကင်များကို ထိုင်းဆော့စ်ဆမ်းကာ အသီးအရွက်များဖြင့် ပြင်ဆင်ပြီး သုံးဆောင်နိုင်ပါပြီ။
