Snack
U.S. အာလူးချောင်းမလိုင် Double Cheese ချိစ် ပီဇာ
No Reviews
Prep Time: 15min
Cook Time: 20min
Serves: 5
Ingredients
Ingredients
- U.S. Frozen Straight Cut အာလူး - 450 ဂရမ်
- ထောပတ် သို့မဟုတ် မာဂျရင်း - 3 ဇွန်း
- ဂျုံမှုန့် - 6 ဇွန်း
- ခရင်မ် သို့မဟုတ် နို့ဆီ - 2 ဇွန်း
- နို့ - 300 ml
- သကြား - 2 ဇွန်း
- Mozzarella ဒိန်ခဲ (ပီဇာဒိန်ခဲ) - 300 ဂရမ်
ပီဇာမုန့်စိမ်းအတွက် ပါဝင်ပစ္စည်းများ
- မုန့်ညက် - 450 ဂရမ်
- ရေ - 250 ml
- သကြား - 35 ဂရမ်
- ဆား - 10 ဂရမ်
- တဆေး - 10 ဂရမ်
- ဆီ - 50 ဂရမ်
Preparation
Prep Time: 15min | Cook Time: 20min
ပီဇာမုန့်သား ပြုလုပ်နည်း
- ရေတဝက်နှင့် Yeast တဆေးကို ရောမွှေထားပါ။
- ပြီးလျှင် ကျန်ရေတဝက်ကို သကြားထည့်ပြီး ရောမွှေထားပါ။
- သကြားကြေပြီဆိုလျှင် ဂျုံမှုန့်၊ ဆီ၊ Yeast၊ သကြား တို့ဖြင့် ရောသမအောင် လက်ဖြင့် နာနာနယ်ပေးပါ။
- သေချာမှုန့်သား နှပ်သည်အထိ မွှေပါ။ နောက်ဆုံးမှ ဆားထည့်ပါ။
- မုန့်သားလေးနှံ့ပြီဆိုလျှင် အလုံးလေးများပြုလုပ်ပြီး ၅ မိနစ်ကြာအောင် ဂျုံလုံးအပွခံပြီးလျှင် မုန့်သားကို လိမ့်ပြား (သို့) လက်ဖြင့်ပြားပါ။
- မုန့်သားအဝိုင်းအပြည့်ရလျှင် ၁၅ မိနစ်လောက် အပွခံပြီးလျှင် ပီဇာအောက်ခံ မုန့်သားရပါပြီ။
ခရင်မ်မလိုင် ပြုလုပ်နည်း
- အိုးကို အပူပေးပြီး ထောပတ်ထည့်ပါ။
- ပြီးလျှင် ဂျုံမှုန့်ထည့်ပြီး မွှေပါ။
- ဂျုံနှင့်ထောပတ် တသားထဲ ရပြီဆိုလျှင် နွားနို့၊ ခရင်မ် (သို့) နို့ဆီ၊ သကြားထည့်ပြီး နှံ့စပ်အောင်မွှေပြီးလျှင် ခရင်(စ်) မလိုင် အနှစ်ရပါပြီ။
- U.S. Frozen Straight Cut ကို ဆီအပူချိန် (၁၈၀°C) တွင် ရွှေညိုရောင်ရအောင် ကြော်ပြီး ဆီစစ် ထားပါ။
Pizza (ပီဇာ) ပြုလုပ်နည်း
- ပီဇာမုန့်သားပေါ်တွင် ခရင်မ်မလိုင်အနှစ်ခင်းပါ။
- ပြီးလျှင် အပေါ်မှ ကြော်ထားသော အာလူးကို ညီအောင်သေချာစီပြီး တင်ပေးပါ။
- ပြီးလျှင် အာလူးပေါ်မှ Mozzarella ချိစ် (ပီဇာချိစ်)ကို အာလူးကို ဖုံးအုပ်သည်အထိ သေချာလေးတင်ပြီးလျှင် Oven ထဲတွင် အပူချိန် ၂၅၀°C အပေါ် မီးအောက်မီးဖြင့် ၁၀ မိနစ်နီးပါး ကြာအောင် Bake လုပ်ပေးပါ။
- ခပ်ကြွပ်ကြွပ်လေး မွမွလေး လိုချင်ပါက အချိန်နည်းနည်း ပိုထားပေးပါ။
- အချိန်ပြည့်ပြီး ပီဇာအရောင်လေးလည်းလှပြီဆိုရင် မိမိကြိုက်နှစ်သက်သလို အာလူးပီဇာပေါ်တွင် မရိုးနစ်ထည့်ပြီး သုံးဆောင်နိုင်ပါသည်။
